वर्षाले रोक्यो नेपाल–कुवेतबीचको खेल

काठमाडौं– एसीसी प्रिमियर कपअन्तर्गत नेपाल र कुवेतबीचको सेमिफाइनल खेल वर्षाका कारण अवरुद्ध भएको छ।

शनिबार कीर्तिपुरस्थित त्रिवि मैदानमा टस हारेर पहिले ब्याटिङ गरेको नेपालले २३.२ ओभरमा ३ विकेटको क्षतिमा १४१ रन बनाउँदा पानी परेपछि खेल रोकिएको हो। 

मैदानमा नेपालका रोहित पौडेल ३० रन र कुशल मल्ल ३२ रन बनाएर खेलिरहेका छन्। 

ओपनरद्वय कुशल भुर्तेल ४३ रन र आसिफ शेख ३१ रन बनाएर आउट भए भने भीम सार्कीले एक रन मात्र जोडे।