वेस्टइन्डिजलाई हराउंदै सिरिजमा भारत २-१ ले अगाडी

नेपाल समय | सोमबार, असोज २६, २०८३

नेपाल समय

सोमबार, असोज २६, २०८३

वेस्टइन्डिजलाई हराउंदै सिरिजमा भारत २-१ ले अगाडी

काठमाडौं- भारतले वेस्ट इन्डिजविरुद्धको तेस्रो टी–२० अन्तर्राष्ट्रिय क्रिकेटमा १४ रनको जित निकालेको छ। यससँगै भारतले पाँच खेलको शृङ्खलामा २-१ को अग्रता बनाएको छ।

इन्दौरस्थित होल्कर क्रिकेट मैदानमा भएको खेलमा भारतले पहिले ब्याटिङ गर्दै निर्धारित २० ओभरमा २२३ रन बनाएको थियो। भारतका लागि अभिषेक शर्माले आक्रामक ब्याटिङ गर्दै ३० बलमा ६९ रन बनाएका थिए। इशान किशनले ३७ तथा तिलक वर्माले २८ रनको योगदान दिएका थिए।

२२४ रनको लक्ष्य पछ्याएको वेस्ट इन्डिजले निर्धारित २० ओभरमा लक्ष्य पूरा गर्न सकेन। भारतले १४ रनले खेल जित्दै तेस्रो टी–२० आफ्नो पक्षमा पारेको हो। वेस्ट इन्डिजले २० ओभरमा ७ विकेट गुमाएर २०९ रन बनाएको थियो।

यसअघि शृङ्खलाको पहिलो खेल भारतले जितेको थियो भने दोस्रो खेल वेस्ट इन्डिजले आफ्नो पक्षमा पारेको थियो। तेस्रो खेलको जितसँगै भारतले शृङ्खलामा २-१ को अग्रता बनाएको छ। अब शृङ्खलाको चौथो खेल बुधबार हुदैछ।

प्रकाशित: Oct 12, 2026| 07:42 सोमबार, असोज २६, २०८३