ब्याटिङमा कुवेतविरुद्ध नेपालको आक्रमक सुरुवात
काठमाडौं– एसिसी प्रिमियर क्रिकेटको सेमिफाइनलमा नेपालले कुवेतविरुद्ध टस हारेर पहिले ब्याटिङ गर्दै राम्रो सुरुवात गरेको छ।
टियु मैदान कीर्तिपुरमा कुवेतले टस जितेर पहिले बलिङ गर्ने निर्णय गरेसँगै ब्याटिङ सुरु गरेको नेपालले आक्रमक सुरुवात गरेको हो।
नेपालका लागि ओपनिङमा आएका कुशल भुर्तेल र आसिफ शेखले ५.५ ओभरमा नेपालको स्कोर ५० रन पुरा गरेका छन्। कुशल २१ बलमा २९ रन बनाएर खेलिरहँदा आसिफ १४ बलमा २० रन बनाएर खेलिरहेका छन्।
नेपालले समूहचरणको अन्तिम खेलमा कतारविरुद्धको खेलको प्लेइङ–११ बाट एक खेलाडी परिवर्तन गरेको छ। नेपालले गुलशन झाको स्थानमा करण केसीलाई मौका दिएको छ। बलिङ र पछिल्लो ब्याटिङ बलियो बनाउन गुलशनको स्थानमा करणलाई मौका दिएको हो। टोलीमा अन्य परिवर्तन गरिएको छैन।
प्रतियोगितामा नेपाल अपराजित रहँदै समूह ‘ए’ को विजेताका रुपमा सेमिफाइनलमा प्रवेश गरेको हो। कुवेत समूह ‘बि’ को उपविजेताको रूपमा सेमिफाइनलमा स्थान बनाएका थियो।
नेपाल कुवेतलाई हराउँदै फाइनलमा स्थान बनाउने लक्ष्यमा रहेको छ।
-1760708828.jpg)
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com