स्पेनिश लिगमा बार्सिलोनाको सहज जित

बार्सिलोनाले स्पेनिस ला लिगामा सानदार जित दर्ता गरेको छ।

नेपाल समय | आइतबार, चैत १९, २०७९

नेपाल समय

आइतबार, चैत १९, २०७९

काठमाडौं- बार्सिलोनाले स्पेनिस ला लिगामा सानदार जित दर्ता गरेको छ।

स्पेनिश लिगमा शीर्षस्थानमा रहेको बार्सिलोनाले घरेलु टोली इल्चेमाथि ४–० को फराकिलो जित निकालेको हो।

पोलिस फरवार्ड रोबर्ट लेवान्डोस्कीले दुई गोल तथा अन्सु फाती र फेरान टोरेसले एक/एक गोल गरेपछि बार्सिलोनाले सानदार जित निकाल्न सफल भएको हो।

इल्चेमा शनिबार राति भएको एक पक्षीय खेलको २०औं मिनेटमा लेवान्डोस्कीको गोलबाट बार्सिलोनाले पहिलो हाफमा १–० को अग्रता लिन सफल भएको थियो। दोस्रो हाफको ५६औं मिनेटमा फेरान टोरेसको पासमा अन्सु फातीले गोल गर्दै बार्सिलोनाको अग्रता दोब्बर पारे।

त्यसको १० मिनेट पछाडी अर्थात ६६औं मिनेटमा गाभीको पासमा लेवान्डोस्कीले व्यक्तिगत दोस्रो तथा टोलीका लागि तेस्रो गोल गर्दै बार्सिलोनालाई सहज जिततर्फ अघि बढाए। र, ७०औं मिनेटमा फेरान टोरेसले गोल गर्दै बार्सिलोनालाई ४–० को सहज जित दिलाए।