लिभरपुलविरुद्ध म्यान्चेस्टरको फराकिलो जित

म्यानचेस्टर सिटीले लिभरपुलविरूद्ध सानदार जित दर्ता हासिल गरेको छ।

नेपाल समय | आइतबार, चैत १९, २०७९

नेपाल समय

आइतबार, चैत १९, २०७९

लिभरपुलविरुद्ध म्यान्चेस्टरको फराकिलो जित

काठमाडौं- म्यानचेस्टर सिटीले लिभरपुलविरूद्ध सानदार जित दर्ता हासिल गरेको छ।

इङ्लिस प्रिमियर लिगअन्तर्गत शनिबार भएको खेलमा सिटीले लिभरपुलविरुद्ध ४–१ को एक पक्षीय जीत हासिल गरेको हो।

घरेलु मैदानमा सिटीविरुद्ध लिभरपुलका लागि खेलको १७औं मिनेटमा मोहम्मद सालाको गोलले अग्रता लिएका थिए। तर, सिटीले त्यसको १० मिनेट नवित्दै खेललाई बराबरीमा ल्याएको थियो। जुन बराबरीका लागि सिटीका जुलियन अल्भारेजले २७औं मिनेटमा गोल गरेका थिए।

पहिलो हाफ बराबरीमा सकिएको भए पनि दोस्रो हाफको सुरुवातीमा ४६औं मिनेटमा केभिन डे ब्रुएनेले गोल गरेपछि सिटीले अग्रता बनाउन सुरु गर्‍यो। त्यसपछि खेलको ५३औं मिनेटमा इल्के गुन्डोगानले सिटीका लागि थप गोल गरेपछि ३–१ ले अघि बढ्यो। र, अग्रतालाई कायम राख्दै अघि बढेको सिटीले ७४औं मिनेटमा ज्याक ग्रेलिसले गोल गरेपछि सिटीले फराकिलो जित दर्ता गर्‍यो।

यो जितसँगै सिटीले २८ खेलबाट ६४ अंक बनाउँदै लिगको दोस्रो स्थानमा यथावत छ। तर उसले यो जीतवाट ६९ अंकसहितको शीर्ष स्थानमा रहेको आर्सनलमाथि भने दबाब थपेको छ।