मुख्यमन्त्री पोखरेलको राजीनामा स्वीकृत, भन्छन्– नमुना राजधानी बनाउने सपना अधुरो रह्यो

बुटवल– लुम्बिनीका मुख्यमन्त्री शंकर पोखरेलले पदबाट दिएको राजीनामा स्वीकृत भएको छ। पोखरेलले दिएको राजीनामा प्रदेश प्रमुख अमिक शेरचनले स्वीकृत गरेका हुन्। पोखरेलले लुम्बिनी प्रदेश राजधानीलाई नमुना बनाउने सपना अधुरै छाड्नुपरेको बताएका छन्। 

राजीनामा दिएलगत्तै मन्त्रालयका सचिवहरूसँगको भेटघाटमा उनले यस्तो कुरा बताएका हुन्। उनले सचिवहरूसँग प्रदेशको आञ्चलिक मनोविज्ञान जोड्ने प्रयत्न स्वरूप दाङको भालुवाङ क्षेत्रमा स्थायी राजधाननी बनाइएको बताए। 

‘अब आउने नेतृत्वलाई नमुना राजधानीबारे भन्नुहोला’, उलने भने, ‘यो काम अधुरै छाड्नुपरेको छ।’ उनले अब आउने सरकारलाई आफूले सुरु गरेका योजना अघि बढाउन सहयोग गर्न आग्रह गरे। उनले प्रदेश सरकारले लेखिने गरी विकास निर्माण र संरचनाका बनाउने काम गरेको दाबी गरे।