प्याब्सन धनगढी उपमहानगर समितिको अध्यक्षमा साउँद 

धनगढी-निजी तथा आवासिय विद्यालय अर्गनाइजेसन (प्याब्सन) धनगढी उपमहानगर समितिको अध्यक्षमा पदमसिहं साउँद निर्विरोध चयन भएका छन् । तत्कालीन धनगढी उपसमितिको संयोजक समेत रहेका साउँद उपमहानगर समितिको अध्यक्षमा चयन भएका हुन् ।

प्याब्सन धनगढी उप–समितिबाट प्याब्सन धनगढी उपमहानगर समितिका लागि ११ जनाको चयन गरिएको छ। ११ जना मध्यबाट लामो समय शिक्षा क्षेत्रमा योगदान दिएका साउँद प्याब्सन धनगढी उपमहानगर समितिको अध्यक्षमा चयन भएका हुन् । 

साउँद मयुर इंग्लिस बेर्डिङ हाई स्कुलका धनगढी चौराहका प्रिन्सिपल हुन् । उनीसँगै उपाध्यक्षमा राम प्रसाद उपाध्याय, सचिवमा बिक्रम सर्मा, कोषाध्यक्षमा आशिष बिनाडी, सह सचिवमा बिना रिजाल निर्बिरोध चयन भएका छन्।

सदस्यमा डिकेन्द्र कुवँर, जगन्नाथ जोरा, नरेन्द्र सिहँ, देवकी चन्द, शुसिल चन्द र पबित्रा लामा चयन भएको नव निर्वाचित अध्यक्ष साउँदले जानकारी दिए ।