प्रधानमन्त्री थ्री नेसन्स कप: बराबरी गोलसँगै भुटान बाहिरियो

काठमाडौं- 'प्रधानमन्त्री थ्री नेसन्स कप'को लिग चरणको अन्तिम खेल नेपाल र भुटानबीच बराबरी भएको छ। भुटानले घरेलु टोली नेपालविरुद्ध पहिलो हाफको १९औं मिनेटमा गरेको गोल अग्रता बचाउन नसक्दा बराबरीमा रोकियो।

भुटानका लागि दावा छिरिङले प्रहार गरेको बल तेन्जिङ नोर्बुको हेड गोल गरेका थिए। नेपालले बराबरीको लागि ९० मिनेटसम्म कुर्नुपर्‍यो। नेपालका लागि दिपकराजसिंह ठकुरीले गोल गरे।
योसँगै भुटान यो प्रतियोगिताबाट बाहिरिएको छ। अब फाइनलमा नेपाल र लाओसबीच खेल हुनेछ।

१३ पटक नेपालसँग खेल्दा भुटानले आज पहिलो पटक बराबरी खेल खेलेको हो। १२ खेलमा नेपालले जित हात पारेको थियो।  फाइनल खेल चैत १७ गते हुनेछ।