क्यानको स्वीकृतिबिना क्रिकेट प्रतियोगिता सञ्चालनमा रोक

काठमाडौं– नेपाल क्रिकेट संघ (क्यान)ले आफ्नो स्वीकृतिबिना कुनै पनि क्रिकेट प्रतियोगिता सञ्चालन गर्न नपाइने बताएको छ। कुनै पनि संघ–संस्था तथा क्लबले क्रिकेट प्रतियोगिता सञ्चालन गर्नुपरे क्यानको अनुमति लिनुपर्ने भएको हो। 

केन्द्रमा हुने प्रतियोगिताको केन्द्रमा, प्रदेशमा हुने प्रतियोगिताको प्रदेश र जिल्ला स्तरमा हुने प्रतियोगिता सञ्चालनका लागि जिल्ला समितिबाट स्वीकृत लिनुपर्ने क्यानको भनाइ छ।

खेल प्रतियोगिता गर्दा क्यानको स्वीकृति नलिएको भए, कुनै पनि खेल सञ्चालन भएको भए क्यानका अम्पायर र स्कोरर सहभागी नगराउन प्रदेश र जिल्ला कार्यसमितिलाई आग्रह गरिएको क्यानका कार्यवाहक सचिव दुर्गाराज पाठकले बताए।