काठमाडौं– १२औं राष्ट्रिय जनगणना प्रतिवेदन २०७८ अनुसार नेपालको साक्षरता दर ७६.२ प्रतिशत रहेको छ। यो २०६८ जनगणनाभन्दा १०.८ प्रतिशतले बढी हो।
शुक्रबार सार्वजनिक गरिएको जनगणनामा ५ वर्ष वा सोभन्दा माथिल्लो उमेरका मानिसको संख्या २ करोड ६६ लाख ७५ हजार ९७५ रहेको छ। यीमध्ये २ करोड ३ लाख ४१ हजार ६२३ जनाले पढ्न र लेख्न जानेका छन्। सार्वजनिक विवरणअनुसार यो कुल जनसंख्याको ७६.२ प्रतिशत हो।
यस्तै, पुरुषको साक्षरता दर ८३.६ प्रतिशत छ भने महिलाको साक्षरता दर ६९.४ प्रतिशत रहेको छ। २०६८ को गणनाअनुसार कुल साक्षरता दर ६५.९ प्रतिशत थियो भने पुरुषको ७५.१ र महिलाको साक्षरता दर ५७.४ प्रतिशत थियो।
सरकारले २०६५ मै दुई वर्षभित्र निरक्षरता उन्मूलन गर्ने रणनीति बनाए पनि दशक बित्दासमेत उन्मूलन हुन सकेको छैन
जनगणनाअनुसार सहरी क्षेत्रको ७८.५ प्रतिशत जनसंख्या साक्षर छ भने गाउँपालिका क्षेत्रका ७१.९ प्रतिशत जनसंख्या साक्षर छ।
यस्तै, साक्षर हुनुपर्ने उमेर समूहका २३ प्रतिशत मानिसले लेख्न, पढ्न नजानेको जनगणना प्रतिवेदनमा उल्लेख छ।