लुम्बिनीमा सत्ता पक्षका सांसद बिना नै प्रदेशसभा सञ्चालन

लुम्बिनी प्रदेशसभामा सरकार र सत्ता पक्षका सांसद बिना नै बैठक सुरु भएको छ। प्रदेशसभामा मुख्यमन्त्री शंकर पोखरेलविरुद्ध अविश्वासको प्रस्ताव पेस भएको छ।

नेपाल समय | बुधबार, साउन २७, २०७८

नेपाल समय

बुधबार, साउन २७, २०७८

बुटवल– लुम्बिनी प्रदेशसभामा सरकार र सत्ता पक्षका सांसद बिना नै बैठक सुरु भएको छ। प्रदेशसभामा मुख्यमन्त्री शंकर पोखरेलविरुद्ध अविश्वासको प्रस्ताव पेस भएको छ। कांग्रेस संसदीय दलका नेता वीरेन्द्रकुमार कनोडियाले सरकारका मन्त्री र सत्ता पक्षका सांसद बिना नै बैठक हुनु संसदीय इतिहासमै पहिलो रहेको बताए। उनले भने, ‘सदनमा आज हामीले विचित्र अवस्था देखेका छौं। न सत्तापक्षका कुनै सांसदको इतिहास छ, न सरकारका मन्त्रीको।’

उनले बैठकमा मुख्यमन्त्री पोखरेल आएर प्रस्तावमा फेस गर्नुपर्नेमा त्यसो गर्न नसकेको भन्दै आपत्ति जनाए। उनले भने, ‘सत्तामा कमजोर भएपछि नैतिकताले पनि दिँदैन। राष्ट्रिय राजनीतिमा समेत दखल राख्ने पोखरेलमाथि धेरै विश्वास गरेका थियौं।’ मुख्यमन्त्री पोखरेलले राजीनामा दिए पनि प्रदेश प्रमुखबाट संसद्मा जानकारी आएको छैन। मुख्यमन्त्री पोखरेलले आठ–दस दिनअघि नै राजीनामा दिएको भए उनको राजनीतिक उचाइ निकै चुलिने कनोडियाको भनाइ छ। पोखरेलले पनि ओली पथ नै अवलम्ब गरेको उनको भनाइ छ।

प्रकाशित: Aug 11, 2021| 02:21. 00 बुधबार, साउन २७, २०७८