भैरहवा- भैरहवा क्याम्पसमा आज स्ववियु निर्वाचन हुने भएको छ। स्ववियु निर्वाचनमा सात जनाले अध्यक्षका लागि प्रतिस्पर्धा गर्ने छन्।
पूर्वनिर्धारित तालिका चैत्र ५ गते भएता पनि विद्यार्थि र निर्वाचन आयोगको विवादको कारण तीन दिनपछि आज मतदान हुन लागेको छ।
बिहान ८ बजेदेखि सुरु हुने मतदानमा क्याम्पसको परिचयपत्र अनिवार्य रुपमा साथमा लिई आउने विद्यार्थीलाई सहभागी गराइने मुख्य निर्वाचन आयुक्त इन्द्र बहादुर विश्वकर्माले बताए।
स्ववियु निर्वाचनमा एमाले निकटको विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु)ले एक्लै प्यानलसहित चुनावी प्रतिस्पर्धामा होमिएको छ।
विक्रम सम्वत २०२५ सालमा स्थापना भएको भैरहवा बहुमुखी क्याम्पस लुम्बिनी प्रदेशकै पुरानो क्याम्पसको रुपमा परिचित छ।