काठमाडौं– राष्ट्रिय सभाका अध्यक्ष गणेशप्रसाद तिमिल्सिनाले संवैधानिक आयोगहरु जागिर खाने थलोका रुपमा विकास गर्न नहुने बताएका छन्।
मंगलबार मुस्लिम आयोगले ललितपुरमा आयोजना गरेको कार्यक्रममा अध्यक्ष तिमिल्सिनाले सबै समुदायको प्रतिस्पर्धी क्षमता विकासका लागि गठन गरिएका संवैधानिक आयोगहरूले सोहीअनुसार काम गर्नुपर्ने धारणा व्यक्त गरेका हुन्।
संवैधानिक आयोगहरुलाई दिइएको जिम्मेवारी कुशलतापूर्वक सम्पन्न गरे मात्रै गठनको औचित्य पुष्टि हुने उनको भनाइ छ। अध्यक्ष तिमिल्सिनाले भने, ‘आयोगहरूलाई चाहिने न्यूनतम स्रोत–साधन उपलब्ध गराउन सरकारले कन्जुस्याइँ गर्नुहुँदैन। आयोगहरूले पनि दिइएको जिम्मेवारीलाई कुशलतापूर्वक पूरा गर्न सके मात्रै त्यसको औचित्य ै पुष्टि हुने हो। आयोग जागिर खाने थलो हुनै सक्दैनन्।’
कार्यक्रममा राष्ट्रिय मानव अधिकार आयोगका अध्यक्ष तपबहादुर मगरले नागरिकका हकाधिकारको संरक्षण र सम्वद्र्धन गर्न आयोग प्रतिबद्ध रहेको बताए। उनले मानव अधिकारको संरक्षणका लागि सबै संवैधानिक आयोगसँग मिलेर काम भइरहेको दाबी गरे।