राष्ट्रपति पौडेलसँग अमेरिकी राजदूतको भेट

काठमाडौं- नेपालका लागि अमेरिकी राजदूत डिन आर थम्पसनले राष्ट्रपति रामचन्द्र पौडेलसँग शिष्टाचार भेट गरेका छन्। सोमबार राष्ट्रपति कार्यालय शीतल निवासमा भेट भएको हो।

भेटमा  नेपाल र संयुक्त राज्य अमेरिकाबीच रहिआएको द्विपक्षीय, आपसी हित र चासोका विषयमा कुराकानी भएको राष्ट्रपति कार्यालयले जनाएको छ।

राष्ट्रपति भएपछि पौडेलसँग ‌औपचारिक भेट गर्ने थम्पसन पहिलो कूटनीतिज्ञ हुन्।