काठमाडौं- संसद्मा विश्वासको मत लिँदै प्रचण्डले विगतका मतभेदहरू नउठाउने समझदारी भए पनि ओलीबाट पालना नभएको गुनासो गरे।
सर्वोच्च अदालतले २ पटक असंवैधानिक भनिसकेको विषयलाई उछालेर ओलीले गठबन्धनमा अविश्वास पैदा गरेको प्रचण्डको आरोप छ।
संसद् विघटनको विषय उठाएर ओलीले संविधान र लोकतन्त्रको निरन्तरता मात्रै होइन संसद्को स्थायित्वमै प्रश्न चिन्ह खडा गरेको बताए । सिंगै संसद्को विश्वासको मत पाएको प्रधानमन्त्रीले त्यहीँ संसद् विघटनको खुला पक्षपोषण ठूलो संवैधानिक र राजनीतिक चुनौतीको रूपमा लिएको प्रचण्डले बताए।