काठमाडौं– २६ पुसमा प्रतिनिधिसभामा विश्वासको मत लिने क्रममा प्रधानमन्त्री पुष्पकमल दाहाल प्रचण्डलाई अविश्वास गरेका राष्ट्रिय जनमोर्चाका अध्यक्ष चित्रबहादुर केसीले यसपल्ट भने साथ दिने भएका छन्।
दोस्रोपल्ट विश्वासको मत लिँदै गरेका प्रधानमन्त्री प्रचण्डले राष्ट्रिय जनमोर्चाबाट मत पाउने भएका हुन्। एकसिटे जनमोर्चाले प्रधानमन्त्री प्रचण्डलाई विश्वासको मत दिने निर्णय गरेको हो।
‘प्रचण्डलाई प्रधानमन्त्रीको रुपमा विश्वासको मत दिन्छौं,’ जनमोर्चाका अध्यक्षसमेत रहेका सांसद चित्रबहादुर केसीले भने। प्रधानमन्त्री प्रचण्डले दोस्रो पटक आज विश्वासको मत लिँदै छन्।