काठमाडौं– नवनिर्वाचित उपराष्ट्रपति रामसहाय यादवले जनता समाजवादी पार्टी (जसपा) परित्याग गरेका छन्। जसपामा आबद्ध उपराष्ट्रपति यादवले दलीय आबद्धता त्यागका लागि दिएको राजीनामा पार्टीले स्वीकृत गरेको हो।
जसपाका कार्यकारिणी सदस्यसमेत रहेका यादवले ३ चैतदेखि लागू हुनेगरी पार्टीको साधारण सदस्यसमेत नरहने गरी पदबाट राजीनामा दिएका थिए। सोमबार जसपा अध्यक्ष उपेन्द्र यादवले उनको राजीनामा स्वीकृत गरेको पार्टी प्रवक्ता मनीष सुमनले बताए।
३ चैतमा उपराष्ट्रपतिमा निर्वाचित भएका यादवले आज पद तथा गोपनीयताको सपथ लिएका छन्।