लगानी भित्र्याउन कर्णालीले थाल्यो दातासँग छलफल

सुर्खेत– कर्णालीको विकासमा लगानी प्रदेश सरकारले दाताहरुसँग छलफल भएको छ । सुर्खेत आइपुगेको विकास साझेदार निकायका अन्तर्राष्ट्रिय प्रमुखहरुसँग सरकारले सोमबार छलफल गरेका हो ।

मुख्यमन्त्री तथा मन्त्रिपरिषद कार्यालयमा भएको छलफलमा कर्णालीको विकासका प्राथमिकता र सहयोगबारे कुराकानी भएको छ । 

कर्णाली प्रदेशका आर्थिक मामिला तथा योजना मन्त्री प्रकाश ज्वालाले दिएको जानकारी अनुसार कर्णालीका आवश्यकता र विकासको प्राथमिकता लगायतका विषयमा छलफल भएको छ । विकासका लागि प्रदेश सरकारले गरेका कामहरु, लगानीका लागि सरकारले अवलम्वन गरेको नीति लगायतका विषयमा छलफल भएको उनले बताए । 

‘छलफल सकारात्मक रहेको छ’ ज्वालाले भने ‘प्रदेश सरकार संघीय सरकार र दातृ निकायबीच समन्वय गरी अगाडी बढ्ने सरकारको निकर्ष छ ।’

छलफलमा मुख्यमन्त्री महेन्द्रबहादुर शाहीका साथै प्रदेश सरकारका मन्त्री र सचिवहरु, यूरोपियन यूनियनका ओभिडु मिक, विश्व बैंकका फारिस हाडाड, क्रिश्चियन इगन र सइद खादेद असन, डिएफआईडीका रुरिक मार्सडेन लगायत पदाधिकारीहरु सहभागी थिए ।