राप्रपा संसदीय दलको उपनेता चुनिए बुद्धिमान

काठमाडौं– राष्ट्रिय प्रजातन्त्र पार्टीले संसदीय दलको उपनेतामा उपाध्यक्ष बुद्धिमान तामाङलाई चयन गरेको छ।

शनिबार बसेको बैठकमा राप्रपा संसदीय दलका नेता अध्यक्ष राजेन्द्र लिङ्देनले तामाङलाई उपनेता चयन गरेका हुन्।
तामाङ समानुपातिकबाट प्रतिनिधिसभा सदस्य हुन्।

बैठकले संसदीय दलको विधान पनि पारित गरेको छ। प्रतिनिधिसभामा राप्रपाका १४ सांसद छन्।