निर्मला हत्या बारे प्रतिवेदनले गर्‍यो यस्तो खुलासा

काठमाडौं- सरकारले कञ्चनपुरकी निर्मला पन्तको बलात्कारपछि हत्या प्रकरणको प्रतिवेदन सार्वजनिक गरेको छ । गृह मन्त्रालयले छानबिन समितिले तयार पारेको प्रतिवेदन आइतबार सार्वजनिक गरेको हो । 

भिमदत्त नगरपालिका-२ का यज्ञराज पन्त र दुर्गादेवी पन्तकी १३ वर्षीया छोरी निर्मलाको गत साउन १० गते बलात्कारपछि हत्या भएको थियो। हत्या भएको यति समय बित्दा पनि हत्यारा पत्ता लाग्न सकेको थिएन । घटनाको सत्यतथ्य पत्ता लगाउन माग गर्दै देशभर आन्दोलन भइरहेका बेला आइतबार सरकारले छानबिन समितिले तयार पारेको प्रतिवेदन सार्वजनिक गरेको हो । 

घटनाको सत्यतथ्य छानबिनका लागि ७ भदौमा सरकारले गृहमन्त्रालयका सह-सचिव हरिप्रसाद मैनालीको नेतृत्वमा पाँच सदस्यीय छानबिन समिति गठन गरेको थियो ।

कार्य सम्पादनका लागि १५ दिनको समय पाएको समितिले गृहमन्त्री रामबहादुर थापा बादल समक्ष ९ असोज मै प्रतिवेदन बुझाएको थियो । गृहमन्त्रीलाई प्रतिवेदन बुझाएको ११ दिनपछि गृहमन्त्रालयले प्रतिवेदनको सार्वजनिक गरेको हो ।

गृहमन्त्रालयले सार्वजनिक गरेको ३७ पेज लामो प्रतिवेदन यस्तो छ ।