एनएमबि बैंकले राष्ट्रिय क्रिकेट टिमका खेलाडीलाई नगद पुरस्कार दिने

विश्व क्रिकेट लिग–२ मा उत्कृष्ट प्रदर्शन गरेबापत नेपाली राष्ट्रिय क्रिकेट टिमका खेलाडीलाई एनएमबि बैंकले पुरस्कार दिने भएको छ। राष्ट्रिय क्रिकेट टिमका १६ जना खेलाडीलाई जनही २१ हजार रुपैयाँ नगद पुरस्कार दिने घोषणा बैंकले बुधबार गरेको हो।

बैंकका प्रमुख कार्यकारी अधिकृत सुनील केसीले खेलाडीहरू राष्ट्रका गौरव रहेकाले खेलाडीको मनोबल उच्च बनाउन सकेमा मात्र खेलाडी र खेलकुद जगतको प्रगति बताए। सोही कुरालाई मध्यनजर गर्दै १६ जना खेलाडीलाई सम्मान र हौसला प्रदान गर्ने मनसायले पुरस्कार दिन लागेको उनले बताए।

२०१९ देखि सुरु भएको विश्व क्रिकेट लिग–२ को कुल ३५ खेलमा १८ म्याचमा जितसहित चौथो स्थानमा छ। आज बिहीबार लिगको अन्तिम खेलमा नेपालले यूएईसँग खेलेको छ।

एनएमबि बैंकले पुरस्कारबापतको रकम १६ खेलाडीको नाममा बैंक खाता खोलि खातामार्फत हस्तान्तरण गरिने बैंकका कार्यकारी अधिकृत केसीले बताए।