सशस्त्र प्रहरीको कमान्ड बढाउन तालिम 

काठमाडौं-सशस्त्र प्रहरीले कमान्ड तथा स्टाफ कोर्ष सञ्चालन गरेको छ। सानो गौचरनस्थित स्टाफ कलेजमा आयोजित तालिमको सशस्त्र प्रहरी महानिरीक्षक शैलेन्द्र खनालले उद्घाटन गरे ।

आइतबारबाट सञ्चालित तालिमले सशस्त्र प्रहरीको क्षमता विकासमा सहयोगी भूमिका खेल्नेछ । यो तालिममा प्रतिस्पर्धाबाट उत्कृष्ट भएकाहरुलाई समावेश गरिँदै आएको सशस्त्र प्रहरीको प्रधान कार्यालयले जनाएको छ । यो विशेष तालिम नाम दिएको तालिम सशस्त्रको चौथो व्याच हो । 
   
    
एपीएफ अधिकृतहरुको व्यावसायिक क्षमता र योग्यतामा अभिवृद्वि गरिसंगठनको नेतृत्व गर्नसक्ने सक्षम अधिकृत उत्पादन गर्ने उद्देश्यले सो कार्यक्रम आयोजना गरिएको सशस्त्र मुख्यालयले जनाएको छ ।  
 
सशस्त्र प्रहरी बल कमान्ड तथा स्टाफ कोर्षमा राष्ट्रिय तथा अन्तर्राष्ट्रिय सुरक्षा चुनौती तथा सुरक्षा रणनीति, द्वन्द्ध व्यवस्थापन, संयुक्त राष्ट्रसंघीय पद्धती, नेतृत्व र विकास, सीमा, भन्सार तथा औद्योगिक सुरक्षा, विशिष्ट व्यक्ति तथा महत्वपूर्ण प्रतिष्ठानको सुरक्षा, विपद व्यवस्थापन लगायत सुरक्षा, विकास र शान्ति लगायतका विषयहरु समेटिएको छ। 

१८ महिना अवधिको उक्त कोर्षमा १२ जना  सशस्त्र प्रहरी नायव उपरीक्षकहरु सहभागिता छ।