नेविसंघको महाधिवेशनका विषयमा कांग्रेस छलफलमा

काठमाडौं- भातृसंगठन नेपाल विधार्थी संघ (नेविसंघ)को महाधिवेशनका विषयमा  छलफल गर्न कांग्रेस केन्द्रीय कार्यसमितिको बैठक बस्दैछ । पार्टीको केन्द्रीय कार्यालय सानेपामा दिउँसो २ बजे बैठकले नेविसंघको विधान टुंगो लगाउने भएको हो । 

कांग्रेस केन्द्रीय समितिले नेविसंघको विधान अनुमोदन नगर्न १२ औं महाधिवेशनको पूर्वर्निधारित कार्यातालिका प्रभावित भएको छ । विधानकै कारण कात्तिकमा हुने १२ औं महाधिवेशन पनि अन्योलमा परेको छ । 

नेविसंघको महाधिवशेन तोकिएको समयमा नहुने संकेत देखिएपछि पार्टीमा छलफल हुने भएको हो। नेविसंघको महाधिवेशन कातिक १६ बाट तोकिएपनि कार्यतालिकाअनुसार काम हुन सकेको छैन।

यस्तै आजको बैठकले विधान संशोधन मस्यौदा समितिको प्रगतिबारे जानकारी लिने कांग्रेस प्रवक्ता विश्वप्रकाश शर्माले जानकारी दिए । विधान संशोधनको विषयमा तयार पारेको प्रारम्भिक मस्यौदा र सातै प्रदेशबाट संकलन गरिएको सुझावबारे छलफल हुने उनले बताए ।

बैठकमा समसमायिक राजनीतिक विषयमा पनि कार्यसमितिमा छलफल हुने भएको छ ।