पीएनजीविरुद्ध आसिफको शतक

काठमाडौं- विश्वकप लिग २ अन्तरगतको खेलमा नेपालका ओपनर आसिफ शेखले पपुवा न्यूगिनीविरुद्ध शतक प्रहार गरेका छन्। यससँगै उनले आफ्नो नाममा पहिलो सतकको रेकर्ड दर्ज गराएका छन्।

कीर्तिपुरस्थित त्रिवि क्रिकेट मैदानमा टस हारेर पहिला ब्याटिङ गरेको नेपालका लागि आसिफले १ सय १ बलमा १० चौका र २ छक्काको मद्दतमा सय रन पुरा गरेका हुन्।

आसिफले पहिलो विकेटका लागि कुशल भुर्तेलसँग ११० रनको साझेदारी गरेका थिए। उनले शतक पुरा गर्दा कप्तान रोहित पौडेलसँग ५० रनको साझेदारी गरे।