भीम सार्कीले पूरा गरे युएईविरुद्ध एकदिवसीय अर्धसतक

काठमाडौं– आईसीइसी विश्वकप लिग २ त्रिकोणात्मक ओडिआई सिरिजअन्तर्गत युएईविरुद्धको खेलमा पाँचौं नम्बरमा ब्याटिङ गर्न आएका भीम सार्कीले पहिलो एकदिवसीय अर्धसतक पूरा गरेका छन्।

शनिबार भइरहेका खेलमा ७८ बलमा ५ चौकासहित अर्धसतक पूरा गरेर सार्कीले खराब सुरुआत गरेको नेपालको खेललाई सम्हालेका हुन्।

६८ रनमा ५ विकेट गुमाएर खराब प्रदर्शन गरिरहेको नेपालका लागि सार्की र सन्दीप लामिछानेले ५६ रनको साझेदारी गर्दै नेपालको १०० रन हानेका थिए। तर ३२औं ओभरको दोस्रो बलमा लामिछाने व्यक्तिगत २७ रनमा क्याचआउट हुँदै ४० बल खेलेर १ चौका हिर्काए। नेपालका लागि ज्ञानेद्र मल्लले ११, आशिफ शेख ६, कुशल मल्ल ३२, रोहित पौडेल १, दीपेन्द्र सिंह ऐरी ४ रनमा आउट भए।

युएईका लागि जुनाइद सिद्धिकी र आयन लाक्राले २–२ तथा रोहन मुस्ताफा र कार्तिक मैयाप्पनलेले १–१ विकेट लिए। दुबई इन्टरनेसनल क्रिकेट स्टेडियममा नेपालले ३७ ओभरमा ६ विकेट गुमाएर १५९ रन बनाएर खेलिरहेको छ। क्रिजमा आरिफ सेख र भीम सार्की ब्याटिङ गरिरहेका छन्।