यू-२० एसिया कप छनोट खेल्ने नेपाली महिला टिमको विदाइ

काठमाडौं-  एएफसी यू–२० महिला एसियन कप छनोट खेल्न प्यालेस्टाइन जाने नेपाली टोली फुटबल टोलीलाई अखिल नेपाल फुटबल संघ (एन्फा)ले आइतबार बिदाइ गरेको छ। सातदोबाटोको एन्फा कम्प्लेक्समा आज एन्फाले प्यालेस्टाइन जाने नेपाली टोलीलाई बिदाइ गरेको हो।

आइतबार नै त्यसतर्फ प्रस्थान गर्ने गर्ने नेपाली टिम छनोटको समूह ‘बी’ मा रहेको छ। नेपालको समूहमा आयोजक प्यालेस्टाइन, युएई र नर्दन मारियाना आइल्याण्ड छन्। अब नेपालले खेल्ने छनोटको पहिलो चरणसमेत हो। पहिलो चरणको छनोटमा नेपालले मार्च ८ मा प्यालेस्टाइन र १२ तारिखमा  नर्दन मारियाना आइल्याण्डसँग खेल्नेछ।

यो छनोटको समूह विजेताले छनोटको दोस्रो चरणमा स्थान बनाउने छ। दोस्रो चरणको छनोछ जुन ३ देखि ११ सम्म हुने आयोजकले जानकारी दिएको छ। जसबाट उत्कृष्ट ४ टोलीले उज्वेकिस्तानमा हुने यू–२० महिला एसियन कप खेल्नेछन्।

उज्वेकिस्तानमा हुने यू–२० महिला एसियन कप २०२४ को मार्च ३ देखि १६ सम्म हुनेछ।  यू–२० महिला एसियन कपमा १६ टोलीले प्रतिस्पर्धा गर्ने छन्।

नेपाली टोलीः
गोलकिपरः कविता विक, सावित्री किसन, लिला जोशी

डिफेन्डरः सबिना चौधरी, हिमा रावत, सरु हमाल, सुनिता भुलन, दिव्या यस्माली मगर, प्रतिक्षा चौधरी, कुमारी तामाङ

मिडफिल्डरः तुलसा बोहरा, जेनिफर राना, सारा बज्राचार्य, सुनकला राई, मनमाया दमाई, प्रीति राई, अञ्जली माचामासी, सरस्वती हमाल, दीपा शाही

फरवार्डः गरिमा राई, अमिषा कार्की, ममता पुन, सदिपा भोलन