ए डिभिजन लिगः चर्च बोइज र एपिएफको सुरुआती जित
काठमाडौं– सहिद स्मारक ‘ए’ डिभिजन लिगको शनिबार सम्पन्न दुई खेलमा चर्च बोइज क्लब र विभागीय क्लब एपिएफले सुखद सुरुआत गरेका छन्। च्यासल रंगशालाको मैदानमा सम्पन्न खेलमा चर्च बोइजले नेपाल पुलिस क्लबलाई २–१ ले हराउँदै सुखद सुरुआत गरेको हो।
चर्च बोइजका लागि आशीष चौधरी र फ्रान्कलिन क्विटे टालाले समान १–१ गोल गरेका थिए। तर पुलिसका रवि पासवानले खेलको १४औं मिनेटमा गोल गरेर अग्रता बनाएका थिए।
उसले अग्रता जोगाउन नसकेपछि खेलमा चर्च बोइजले जित निकालेको हो। अहिले पुलिसमा मुख्य प्रशिक्षक अनन्तराज थापा राष्ट्रिय टोलीको प्रशिक्षक रहेका कारण चेतन घिमिरेले पुलिसको टिमको प्रशिक्षण गराइरहेका छन्।
त्यस्तै, दशरथ रंगशालामा भएको अर्को खेलमा भने थ्रीस्टार क्लबले एपिएफसँग २–० को हार बेहोरेको छ। एपिएफलाई जित दिलाउन मणि कुमार लामा र अर्मान्ड विडोमले समान १–१ गोल गरेका थिए।
यो जितसँगै बोइज र एपिएफले समान ३–३ अंक बटुलेका छन्। लिगको पहिलो खेलमा खुमलटारले फ्रेन्ड्सलाई हराउँदै लिगमा पहिलो तीन अंक पाएको थियो। त्यस्तै, फ्रेन्ड्स, चर्च बोइज र थ्रीस्टारले भने हारबाट लिग सुरु गरेका छन्।
एसी मिलानसँग नेपोली पराजित
चेन्नईमाथि राजस्थानको संघर्षपूर्ण जित
जिरोनाको गोलरक्षकका सामु निरिह बन्दा बार्सिलोना गोलरहित बराबरीमा
बैंगलोरमाथि लखनउलाई एक रनको रोमाञ्चक जित
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com