सुरु भयो 'ए' डिभिजन लिग [तस्बिरहरु]

सहिद स्मारक ए डिभिजन लिग फुटबल प्रतियोगिता आज शुक्रबारबाट सुरु भएको छ। आज साँझ ५:३० बजेदेखि पहिलो खेलमा एएफसी खुमलटार र फ्रेन्ड्स क्लबबीच प्रतिष्पर्धा भइरहेको छ। 

लिग डबल राउण्ड रोबिनको आधारमा हुनेछ। लिग यस पटक दशरथ रंगशाला, एन्फा कम्प्लेक्स र च्यासल मैदानमा हुनेछ। उद्घाटन खेल दशरथ रंगशालामा भएको छ। खेल उद्घाटन काठमाडौंका मेयर बालेन शाहले गरेका छन्। 

लिग विजेताले ७५ लाख, दोस्रो टोलीले ५० लाख र तेस्रो हुने टोलीले २५ लाख रुपैयाँ पुरस्कार पाउनेछन्। फेयर प्ले टोलीले ३ लाख पाउनेछन्। मोस्ट भ्यालुएबल खेलाडीले ३ लाख, सर्वाधिक गोलकर्ता र सर्वोत्कृष्ट गोलकिपरले २ लाख र इमर्जिङ प्लेयरले १ लाख ५० हजार रुपैयाँ पाउनेछन्।