रोहितले जिते लगातार छैटौं पटक टस, नेपालले फिल्डिङ गर्दै

काठमाडौं- नेपाली राष्ट्रिय क्रिकेट टिमका कप्तान रोहित कुमार पौडेलले एक दिवसीय अन्तराष्ट्रियमा लगातार छैटौं पटक टस जितेका छन्।

टस जितेको नेपाली टिमले युएईविरुद्ध पहिले बलिङ रोजेको छ। नेपालली कप्तान रोहित रहँदा यसअघि टस जितेको पाँचै खेलमा नेपालले जित निकालेको थियो।

त्यस्तै ति सबै खेलमा नेपालले पहिले बलिङ गरेको थियो। आज नेपाली टिम दुवई अन्तर्राष्ट्रिय रंगशालामा घरेलु टिमलाई हराउने लक्ष्यका साथ मैदान उत्रिएको छ।

अहिले युएईको दुबई अन्तर्राष्ट्रिय क्रिकेट रंगशालामा नेपाल र आयोजक  टिमको आईसीसी विश्वकप लिग २ अन्तर्गतको खेल सुरु भएको छ।

दुवै टिम लिगमा आज आफ्नो ३० औं खेल खेल्दै छन्।