दुई खेलाडीले शतकमा नेपालले दियो ३४४ रनको लक्ष्य
काठमाडौं- आईसीसी यू–१९ पुरुष विश्वकपको एसिया छनोट प्रतियोगिता अन्तर्गत कुवेतविरुद्धको खेलमा नेपालका दुई खेलाडीले शतक प्रहार गरेका छन्। छनोटको दोस्रो खेलमा नेपालका ओपनर अर्जुन कुमाल र कप्तान देव खनालले शतक प्रहार गरेपछि कुवेतले ३ सय ४४ रनको लक्ष्य पाएको हो।
यूएईको मलिका क्रिकेट मैदानमा टस जितेर पहिले ब्याटिङ गरेको नेपालले ५० ओभरमा ७ विकेट गुमाएर ३ सय ४३ रन बनाएको हो। नेपालका लागि ओपनर अर्जुन कुमालले ११२ बल खेल्दै १२ चौकाको सहयोगमा १०८ रन बनाएका थिए। त्यस्तै, कप्तान खनालले १ सय १७ बलमा ९ चौका तथा ३ छक्कासाथ १ सय २५ रन बनाए।
साथै उनीहरुले तेस्रो विकेटका लागि १ सय ७० रनको साझेदारी गरेका थिए। उमेर समूहमा यो अहिलेसम्मको ठूलो साझेदारी हो। अघिल्लो दिन अर्धशतक बनाएका विशाल बिक्रम केसीले २३ रन बनाउँदा दिपक डुम्रे २० रनमा अविजित रहे। अर्का ओपनर दिपक बोहोराले १३ तथा हिजोको खेलमा सिंगापुरविरुद्ध अर्धशतक प्रहार गरेका आकास त्रिपाठी ३ रनमा आउट भए।
कुवेतका हेनरी थोमसले र सहिल काज्मीले समान २–२ तथा जय महेशकुमार मेहता १ विकेट लिएका थिए।।
एसी मिलानसँग नेपोली पराजित
चेन्नईमाथि राजस्थानको संघर्षपूर्ण जित
जिरोनाको गोलरक्षकका सामु निरिह बन्दा बार्सिलोना गोलरहित बराबरीमा
बैंगलोरमाथि लखनउलाई एक रनको रोमाञ्चक जित
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com