च्याम्पियन्स लिगमा इन्टरको जित, बराबरीमा रोकियो सिटी

काठमाडौं– यूइएफए च्याम्पियन्स लिगअन्तर्गत बुधबार रातिको खेलमा इालियन क्लब इन्टर मिलानले पोर्चुगलको क्लब पोर्टोमाथि संघर्षपूर्ण जित निकालेको छ।

इन्टरकै सान सिरो रंगशालामा सम्पन्न भएको खेलमा उसले १० खेलाडीमा समेटिएको पोर्टोलाई १–० ले हराएको हो। पोर्टोका ओटाभियोले खेलको ७८ औं मिनेटमा रातो कार्ड पाएको आठ मिनेटपछि इन्टरका रोमेलु लुकाकूले गोल गदै घरेलु टिमलाई अग्रता दिलाएका थिए।

यता विपक्षीको पोस्टमा १० प्रहार गरे पनि पोर्टोले गोल गर्न सकेन। बुधबार राति नै जर्मन क्लब लाइप्जिकको रंगशालामा भएको खेलमा भने प्रिमियर क्लब म्यानचेस्टर सिटी १–१ को बराबरीमा रोकिएको छ।

खेलको २७ औं मिनेटमा सिटीका लागि रियाद महरेजले गोल गरेर अग्रता दिलाए पनि ७० औं मिनेटमा लाइप्जिकका जिस्को जिवार्डिओलले गोल फर्काएका थिए।

अब अीन्तम १६ अन्तर्गत यि दुई टिमको अर्को लेगको खेल मार्च १५ मा हुनेछ। त्यो खेलमा जित निकालेको नजितासँग समग्रमा निकालेको नतिजाले क्वार्टरफाइनल पुग्ने टिमको टुंगो लाग्नेछ।