आयरल्यान्डलाई हराउँदै इन्डिया महिला विश्वकपको सेमीफाइनलमा

काठमाडौं- आयरल्यान्डलाई हराउँदै इन्डिया दक्षिण अफ्रिकामा जारी टी-२० महिला विश्वकपको सेमीफाइनलमा पुगेको छ। सोमबार राति सम्पन्न खेलमा डिएलएस शैलीबाट आयरल्यान्डलाई पाँच रनले हराउँदै इन्डिया अन्तिम चारमापुगेको हो।

खेलमा पहिले ब्याटिङ गरेको भारतले १५५ रन बनाएको थियो। मौसले प्रभावित पारेपछि आयरल्यान्डले आठ ओभर दुई बलमा दुई विकेट गुमाएर ५४ रन मात्र बनाउन सक्यो। यससँगै इन्डियाले सेमीफाइनल यात्रा तय गरेको हो।

गएरातिको खेलमा इन्डियाकी ओपनर स्मृति मन्धना ५६ बलमा ८७ रनका साथ प्लेयर अफ दि म्याच बनिन्।