ओरालो लागेको लाग्यै नेप्से

काठमाडौं- नेप्से बजार भारी अंकले घटेको छ। सोमबार नेप्से १८.०४ अंक घटेर १२३८.६७ विन्दुमा पुगेको छ। बजारमा आएका अधिकांश समूहको परिसूचक घट्दा समग्र बजार भारी अंकले ओरालो लागेको हो।

साताको पहिलो दिन आइतबारसमेत दोहोरो १०.४७ अंले नेप्से घट्दा ५८ करोड २२ लाख ५० हजार आठ सय २८ रुपैयाँको कारोबार भएको थियो। सोमबार बजारमा एक सय ६५ कम्पनीको पाँच हजार सात सय ९७ कारोबारबाट १७ लाख ६१ हजार आठ सय १७ पटक सेयर खरिद बिक्री भई ५३ करोड ९६ लाख तीन हजार नौ सय ३५ रुपैयाँको कारोबार भएको छ।

बजारमा आएका समूहहरूमध्ये सबैभन्दा बढी लाइफ इन्स्योरेन्सको परिसूचक ७८.५६ अंक घटेको छ। त्यसपछि ननलाइफ इन्स्योरेन्स समूहको परिसूचक ७१.७३, विकास बैंक समूहको परिसूचक २९.७३, बैंकिङ समूहको परिसूचक १९.८५ अंक घटेको छ।

बजारमा आएका ११ समूहमा उत्पादनमुलक समूहको परिसूचक २६.८ अंक बढ्यो भने व्यापार समूहको स्थिर रह्यो। बाँकी सबै समूहको परिसूचक घटेको छ।