बिग बोसको १२ संस्करण-शुरु भयो प्रेमका माहोल

कलर्स च्यानलमा प्रशारित भइरहेको चचित टेलिभिजन कार्यक्रम ‘बिग बोस १२’ को चर्चा शुरु भएको छ । एउटै घरमा रहेका धेरै व्यक्तिबीचको झगडाको विषयलाई समेटेर तयार पारिएको यो कार्यक्रमलाई धेरैले रुचाएर हेर्ने गरेका छन् । 

कार्यक्रमको अहिलेसम्म प्रशारित अंक हेर्दा अब प्रेमको माहोल शुरु भएको छ । यो सिजनकोे पहिलो  प्रेम जोडीका रुपमा रहेका शिवाशीष मिश्रा र कृत्ति वर्माबीच बढेको हिमचिम सबैको नजरमा पुगेको छ । उनीहरू सम्भवत : बिग बोस १२ कै पहिलो जोडी हुने भएका छन् ।

बिग बोसको आधिकारिक ट्वीटरमा सार्वजनिक गरिएको एक भिडियोमा कृतिले शिवाशीषलाई जिस्काउदै स्विमिङ पुलमा धकेलिएकी थिइन् । जसको कारण शिवाशीषको माइक भिजेको थियो भने अन्य बिग बोसका सहकर्मीले सम्झाए पछि उनले माफी पनि मागेकी थिइन् । जसलाई शिवाशीषले नजरअन्दाज गरेका थिए। 

त्यसतै, अर्को क्लिपमा शिवाशिषले पनि  कृतिलाई वर्कआउटको बेला जिस्काइ रहेको देखाइएको छ । 

यस विषयमा सलमानले पनि उनीहलाई प्रश्न गरेको थिए । दुवैले एक असल साथी रहेको बताएका छन् । यस अघिको बिग बोस ११ को सिजनमा, पुनिश र बंदगीको जोडी देखिएको थियो । उनीहको जोडी धेरै समयको लागि टिकेको थियो ।