गठबन्धनले पाँच दिनभित्र सरकारको न्यूनतम साझा कार्यक्रम तयार गर्ने

काठमाडौं– सत्ता साझेदार दलहरुले पाँच दिनभित्र सरकारको न्यूनतम साझा कार्यक्रम तयार गर्ने भएका छन्। प्रधानमन्त्री निवास  बालुवाटारमा आज बिहान बसेको सत्ता गठबन्धन दलका शीर्ष नेताहरुको बैठकले न्यूनतम साझा कार्यक्रमको ड्राफ्ट तयार गर्ने निर्णय गरेको हो।  

बैठकले न्यूनतम साझा कार्यक्रम तय गर्न समिति गठन गरेको छ र त्यसको संयोजक एमाले अध्यक्ष केपी शर्मा ओलीलाई बनाइएको छ। प्रत्येक दलबाट उक्त समितिमा १–१ जना नेताहरूलाई सदस्यको रूपमा जिम्मेवारी दिइने भएको छ।

बैठकमा मन्त्रिपरिषद् विस्तार र शक्ति बाँडफाँटबारे पनि छलफल भएको थियो भने प्रदेश सरकार गठनको विषयले पनि प्रवेश पाएको थियो।