च्याम्पियन्स लिग : म्यानचेस्टर सिटी पराजित

लन्डन (एजेन्सी)-च्याम्पियन्स लिग फुटबलको आफ्नो पहिलो खेलमा इंग्लिश क्लब म्यानचेस्टर सिटी पराजित भएको छ । बुधबार राति भएको खेलमा सिटी फ्रेन्च क्लब लियोनसँग २-१ ले पराजित भएको हो । 

लियोनले सिटीलाई उसैको घरेलु मैदानमा हराएको हो । लियोनलाई जित दिलाउन म्याक्सवेल कर्नेट र नबील फेकिरले एक एक गोल गरे भने सिटीका लागि बर्नार्डो सिल्भाले सान्तोना गोल फर्काए ।

लियोनका लागि खेलको २६ औं मिनेटमा कर्नेटले गोल गर्दै सुरुवाती अग्रता दिलाए । त्यस्तै ४३ औं मिनेटमा फेकिरले गोल गर्दै लियोनको अग्रता दोब्बर पारे ।

पहिलो हाफमा २-० ले पछि परेको सिटी दोस्रो हाफमा एक गोल गर्दै खेलमा फर्कने प्रयास गर्यो । सिटीका लागि सिल्भाले खेलको ६७ औं मिनेटमो गोल गर्दै सिटीलाई खेलमा फर्काउने प्रयाश गरे । 

तर, त्यसपछि सिटीले थप गोल गर्न सकेन र पहिलो खेलमै लियोनसँग २-१ ले पराजित भयो । यसै समूहको अर्को खेलमा होफेनहाइमले शख्तर डोनेस्कसंग २-२ गोलको बराबरी खेल्दै अंक बाडेको छ ।