शेरबहादुर तामाङको गुनासो– अहिलेको सरकार त मेलम्ची पुग्दै पुगेन

नेकपा एमालेका सांसद शेरबहादुर तामाङले सिन्धुपाल्चोकको मेलम्ची र हेलम्बुलाई संकटग्रस्त क्षेत्र घोषणा गरेर तत्काल राहत र पुनःस्थापनाको काम अघि बढाउन सरकारको ध्यानाकर्षण गराएका छन्।

नेपाल समय | मंगलबार, साउन २६, २०७८

नेपाल समय

मंगलबार, साउन २६, २०७८

शेरबहादुर तामाङको गुनासो– अहिलेको सरकार त मेलम्ची पुग्दै पुगेन

काठमाडौं– नेकपा एमालेका सांसद शेरबहादुर तामाङले सिन्धुपाल्चोकको मेलम्ची र हेलम्बुलाई संकटग्रस्त क्षेत्र घोषणा गरेर तत्काल राहत र पुनःस्थापनाको काम अघि बढाउन सरकारको ध्यानाकर्षण गराएका छन्।

प्रतिनिधिसभाको मंगलबारको बैठकको शून्य समयमा उनले यस्तो माग गरेका हुन्।

‘मेलम्ची, हेलम्बु रोइरहेको छ। बाढी पहिरोले क्षतिग्रस्त क्षेत्रमा अहिलेसम्म सरकारी राहतको नाममा एक गेडा चामल र एउटा पाल पनि पुगेको छैन। यसमा सरकारको ध्यान जाओस्।’

गत असार १ गते मेलम्चीमा बाढी आउँदा तत्कालीन केपी ओली सरकारले तत्काल उद्धार र राहतको काम अघि बढाएको दाबी गर्दै उनले अहिलेको सरकारले मेलम्चीको बाढी नदेखेको गुनासो गरे। तामाङ सिन्धुपाल्चोकका जनप्रतिनिधि हुन्।

प्रकाशित: Aug 10, 2021| 13:42 मंगलबार, साउन २६, २०७८