आठौं संस्करणको राष्ट्रिय कराते प्रतियोगिता शुक्रबारबाट 

काठमाडौं-आठौं संस्करणको राष्ट्रिय कराते प्रतियोगिता शुक्रबारबाट हुने भएको छ । आयोजक नेपाल गोजुरियो कराते संघले मंगलबार पत्रकार सम्मेलन गर्दै दुई दिने प्रतियोगिता शुक्रबार र शनिबार हुने जनाएको हो ।

प्रतियोगितामा सातै प्रदेश, क्लब तथा बिद्यालयबाट गरि ३ सय खेलाडीहरुको सहभागिता हुने आयोजकले जनाएको छ । शुक्रबार राष्ट्रिय रेफ्रि सेमिनार हुनेछ भने शनिबार प्रतियोगिता आयोजना गरिनेछ ।

प्रतियोगिताको दौरान अन्तर्राष्ट्रिय तथा राष्ट्रिय प्रतियोगितामा पदक प्राप्त गर्ने खेलाडीलाई पनि सम्मान गरिने बताईएको छ । यसै प्रतियोगितालाई आधार मानेर संघले इन्डोनेसियाको जाकार्तमा हुने छैठौं एसियन गोजुरियो कराते प्रतियोगिताका लागि खेलाडी छनोट गर्ने समेत जनाएको छ । 

छैठौं एसियन गोजुरियो कराते प्रतियोगिता नोभेम्वर २२ देखि २५ तारिख सम्म जाकार्तमा चल्ने छ ।