एएफसी यु-१६ च्याम्पियनसिपको छनोट भोली देखि

काठमाडौं-एएफसी यु–१६ महिला च्याम्पियनसिपको छनोट अन्तर्गतको समूह ‘ई’ का खेलहरु बुधबारबाट राजधानीमा सुरु हुँदैछन् । प्रतियोगिताका सबै खेलहरु हल्चोकस्थित सशस्त्र प्रहरी बल (एपीएफ) को खेल मैदानमा हुनेछ ।

प्रतियोगितामा आयोजक नेपालसहित मलेसिया, म्यानमार र फिलिपिन्स रहेको छ । अखिल नेपाल फुटबल संघ (एन्फा) ले सोमबार पत्रकार सम्मेलनको आयोजना गर्दै प्रतियोगिताको सम्पूर्ण तयारी पूरा भएको जानकारी दिएकोे छ ।

योजक एन्फाले प्रतियोगितामा सहभागी हरेक टिमको तयारीको बारेमा जानकारी गराउन मंगलबार प्रि–म्याच पत्रकार सम्मेलनको आयोजना गरेको थियो । नेपालले सेप्टेम्बर १९ मा फिलिपिन्ससँग खेल्दै छनोटको शुरुवात गर्नेछ ।

ही दिन म्यानमार र मलेसियाले प्रतिस्पर्धा गर्नेछन् । नेपालले म्यानमारसँग सेप्टेम्बर २१ मा खेल्नेछ । सोही दिन फिलिपिन्स र मलेसियाले खेल्नेछ । छनोटको अन्तिम खेलमा नेपालले मलेसियासँग सेप्टेम्बर २३ मा खेल्नेछ । सोही दिन फिलिपिन्स र म्यानमाबीच खेल हुनेछ ।

हरेक समूहका शीर्ष दुई टोलीले सन् २०१९ मा थाइल्यान्डमा आयोजना हुने एएफसी यु–१६ प्रतियोगितामा स्थान बनाउनेछ । उत्तर कोरिया, दक्षिण कोरिया र जापानले स्थान बनाइसकेका छन् ।