राष्ट्रपति भण्डारीलाई भेट्न शीतलनिवास पुगे सीके राउत

काठमाडौं– जनमत पार्टीका अध्यक्ष सिके राउतले राष्ट्रपति विद्यादेवी भण्डारीलाई भेटेका छन्। मंगलबार उनले शीतलनिवास पुगेर राष्ट्रपति  भण्डारीलाई भेटेका हुन्। उनले सामाजिक सन्जालमार्फत राष्ट्रपतिलाई भेटेको तस्बिर सार्वजनिक गरेका छन्। 

राउतले राष्ट्रपति भण्डारीसँग शिष्टाचार भेटघाट भएको र देशको समसामयिक राजनीतिक निकासका विषयमा छलफल भएको बताएका छन्। सप्तरी क्षेत्र २ बाट निर्वाचित राउतले पछिल्लो समय विभिन्न राजनीतिक दलका शीर्ष नेताहरूसँग भेटघाट गरिरहेका छन्।