पेरिसमा रोनाल्डोले चार तारे होटेल खोल्ने

पेरिस (एजेन्सी)-पोर्चुगिज सुपरस्टार खेलाडी क्रिस्टियानो रोनाल्डो पेरिसको गौचे नदी नजिक छैठौं संस्करणको ‘सीआर७’ नामक होटेलको स्थापना गर्ने भएका छन् । अन्य होटल जस्तै यस होटेललाई पनि क्रिस्टियानो रोनाल्डो र पोर्चुगिज होटेल समूह पेस्टानासँगको साझेदारीमा बनाइने छ ।

रोनाल्डोका अनुसार यो होटेल अन्य होटेल भन्दा ठुलो हुने बताइएको छ । २१० कोठको योजना रहेको यो होटेल २०२१ मा पुर्ण रुपमा तयार हुने बताइएको छ । ‘पेरिसमा पेस्टाना सीआर७ ब्रान्डको लागु गर्नका लागि राम्रो हुनेछ । दुनियामा सबै भन्दा बढि पर्यटक भित्रिने शहर मध्येको एक यस शहरमा ब्रान्ड स्थापित गर्नु रोम्रो हुने छ,’ रोनाल्डोले भने ।

पेस्टाना होटेल समूहका मुख्य विकास अधिकारी जोसे रोक्वुटे पेरिसको घोषणाका लागि उत्साहित रहेका छन् । जोसेले भने, ‘दुनियाको शीर्ष पर्यटन स्थल मध्ये एक हो र पेस्टाना सीआर७ लाइफस्टाइल होटेल ब्रान्ड हुनु झन आफ्नो लागि सम्मान हुने छ । यसै उपलब्धिकासाथ हामी आफ्नो अन्तर्राष्ट्रिय विस्तारमा ध्यान दिइरहेका छौ ।’

रोनाल्डो र पेस्टानाले २०१६ मा पोर्चुगलमा आफ्नो पहिलो दुई होटेल खोलेका थिए । अब तीन होटेल मड्रिड, न्युयोर्क र माराकेचमा २०२० सम्म तयार हुने बताईएको छ ।