नेयमार र एमबाप्पेविनै पीएसजीको सानदार जित

पेरिस (एजेन्सी)-टिमका मुख्य खेलाडी नेयमार र केलियन एमबाप्पेविनै पेरिस सेन्ट जर्मेन (पीएसजी) ले फ्रेन्च लिग वानमा सानदार जित निकालेको छ । फ्रेन्च लिग वान अन्तर्गत शुक्रबार राति भएको खेलमा पीएसजीले सेन्ट इटिनीमाथि ४–० को सानदार निकालेको हो ।

एसजीको जितमा जुलियन ड्राक्सलर, एडिन्सन काभानी, एन्जल डि मारिया र मौसा डिवेले गाल गरे । घरेलु मैदानमा स्टार खेलाडीद्धय नेयमार र एमबाप्पेलाई विश्राम दिइएको खेलमा पीएसजीले २३औं मिनेटमा जुलियन ड्राक्सलरको गोलबाट खेलमा अग्रता बनाएको थियो । जुलियनले मार्काे भेराट्टीको पासमा गोल गरेका थिए ।

पहिलो हाफमा १–० को अग्रता बनाएको पीएसजीले दोस्रो हाफमा ३ गोल गर्न सफल भएको थियो । ५१औं मिनेटमा काभानीले पेनाल्टीमार्फत गोल गर्दै २–० को अग्रता दिलाएका थिए । ४९औं मिनेटमा पेनाल्टी पाएपनि भिडियो एसिस्टेन्ट रेफ्री (भिएआर) को सहायता पेनाल्टी पाएको थियो । जसमा काभानी चुकेनन् ।

७६औं मिनेटमा डि मारियाले गोल गर्दै पीएसजीलाई फराकिलो अग्रतातर्फ अग्रसर गराएका थिए । खेल सकिन ४ मिनेट बाँकी रहँदा काभानीको पासमा मौसा डिवेले गोल गर्दै पीएसजीलाई ४–० को फराकिलो जित दिलाए ।

डिफेन्डिङ च्याम्पियन समेत रहेको पीएसजीले लगातार पाँचौ जित निकाल्दै १५ अंक जोडेर यो सिजन पनि उपाधिको दावेदारको रुपमा उभिएको छ । पीएसजीसँग पराजित भएको सेन्टको ६ अंकसहित १२औं स्थानमा छ ।