प्रकाशमानलाई रविन्द्रको जवाफ: तपाईंलाई विश्राम चाहिएको छ, काठमाडौंका मतदातालाई म

काठमाडौं– नेपाली का‌ंग्रेसका नेता प्रकाशमान सिंह र राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रविन्द्र मिश्र काठमाडौं १ बाट प्रतिनिधिसभा उम्मेदवार छन्।

संसद्‌मा पहिलो 'इन्ट्री' गर्न खोजिरहेका मिश्र र चौथो जितको लागि प्रयासरत सिंहबीच आइतबार मतदानपछि भेट भयो।काठमाडौंस्थित रत्नराज्य महादेवस्थान केन्द्रमा भेटिएका दुई प्रतिस्पर्धीले एकअर्कालाई देखेलगत्तै मुस्कुराएर आतिथ्य प्रकट गरे। 

सिंहले वार्ताकै क्रममा रविन्द्रलाई भने, "मनोनयन दर्तामा भेट भाथ्यो, आज भेटियो। अब ५ बर्षपछि भेटौँला।"

सिंहको उक्त अभिव्यक्तिलगत्तै मिश्रले उनलाई विश्राम गर्न सुझाव दिए। उनले भने, "अब अर्को पटक उम्मेदवारकारूपमा सम्भवत: हाम्रो भेट नहोला। किनकी तपाईँलाई विश्राम चाहिएको छ, काठमाडौ-१ का मतदातालाई अब म चाहिएको छ।"

काठमाडौं १ मा मिश्र र सिंहसहित एमालेका तर्फबाट किरण पौडेल तथा पुकार बमले स्वतन्त्रबाट उम्मेदवारी दिएका छन्।