भारतसँगको यू–१९ एकदिवसीय सिररिजमा नेपालको दोस्रो हार 

काठमाडौं-भारतमा जारी चौकोणीय यू-१९ एकदिवसीय क्रिकेट सिरिजमा नेपालले लगातार दोस्रो हार बेहोरेको छ । लगातार दोस्रो हार बेहोर्ने क्रममा नेपाल शुक्रबार भारतको ए टोलीसँग ८ विकेटले पराजित भएको हो । दोस्रो हारसंगै सिरिजको फाइनल खेल्ने नेपालको सम्भावना कमजोर बनेको छ । 

लखनउमा पहिले टस जितेर ब्याटिङ गरेको नेपालले १५७ रनको लक्ष्य सुम्पेको थियो । उक्त लक्ष्य भारतले २४.१ ओभर मात्र २ विकेट गुमाएर पुरा गर्यो । भारतको जितमा वाई भी राठोदले अविजित ५९ तथा प्रभसिमरण सिंहले अविजित ४६ रन जोडे । 

यस्तै कप्तान अनुज रावतले ४७ रन जोडे । नेपालका पवन शारफ र कमल सिंह ऐरीले समान १-१ विकेट लिए । यसअघि नेपालले ४५ ओभर ५ बलमा अलआउट हुँदै १५६ रन बनाएको थियो । नेपालका लागि सन्दीप जोराले ६६ रनको अर्धशतकीय इनिङस खेले । 

यस्तै तृत राज दासले ४६ रन जोड्दा भिम सार्कीले २८ रन जोडे । भारतका अजय देव गड र याई डी माङवानीले ४-४ विकेट लिए  । अब नेपालले अफगानिस्तानको यू-१९ टोलीसँग खेल्नेछ । यस अघि पहिलो खेलमा नेपाल भारतको यू-१९ को बि टिमँंग ४० रनले पराजित भएको थियो । 

भारतको ए टिमको भने यो लगातार दोस्रो जित हो ।