रुसको साखालिन क्षेत्रमा ग्यास विस्फोट हुँदा ९ जनाको मृत्यु

मस्को- रुसको सुदूर पूर्वीसखालिन क्षेत्रको टिमोभस्कोए गाउँमा शनिबार बिहान एउटा आवासीय भवनमा भएको ग्यास विस्फोटमा ४ बालबालिकासहित ९ जनाको मृत्यु भएको छ। विस्फोटमा ७ जना घाइते भएको सखालिन क्षेत्रका गभर्नर भ्यालेरी लिमारेन्कोले जानकारी दिएका छन्। 

स्थानीय सरकारले सामाजिक सञ्जालमा उल्लेख गरेअनुसार अनुचित भण्डारण र घरेलु प्राकृतिक ग्यास ट्याङ्कीको प्रयोगले विस्फोट गराएको  बताएको छ।  

मस्को समयअनुसार बिहान ५ बजे उक्त विस्फोट भएको र भवनका केही भागमा क्षति पुगेको रुसको सरकारी समाचार एजेन्सी तासले स्थानीय आपत्कालीन सेवालाई उद्धृत गर्दै जनाएको छ।