कोटेश्वरमा सत्ता गठबन्धनले चुनावी सभा गर्दै

सत्तारुढ गठबन्धनले आज काठमाडौंमा चुनावी सभा गर्ने भएको छ।

नेपाल समय | बिहीबार, मंसिर १, २०७९

नेपाल समय

बिहीबार, मंसिर १, २०७९

कोटेश्वरमा सत्ता गठबन्धनले चुनावी सभा गर्दै

काठमाडौं- सत्तारुढ गठबन्धनले आज काठमाडौंमा चुनावी सभा गर्ने भएको छ।

गठबन्धनको काठमाडौं क्षेत्र नम्बर-२ चुनाव परिचालन समितिको आयोजनामा आज अन्तिम चुनावी सभा गर्न लागेको हो। सभा दिउँसो २ बजे कोटेश्वरमा आयोजना गरिने भएको छ।

चुनावी सभालाई माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाल, कांग्रेस महामन्त्री गगन थापा, गठबन्धनबाट क्षेत्र नम्बर–२ को साझा उम्मेदवार पूर्वसभामुख ओनसरी घर्तीलगायतले सम्बोधन गर्ने छन्।

यही मंसिर ४ मा हुने निर्वाचनका लागि काठमाडौं-२ मा गठबन्धनबाट प्रतिनिधि सभामा पूर्वसभामुख एवं माओवादी केन्द्रकी स्थायी समिति सदस्य घर्ती, प्रदेशसभा (क) मा कांग्रेसका ध्रुव केसी र प्रदेशसभा (ख) मा एकीकृत समाजवादीका भरतप्रसाद फुँयाल उम्मेदवार छन्।

प्रकाशित: Nov 17, 2022| 10:05 बिहीबार, मंसिर १, २०७९