सिटी जानु सबैभन्दा उत्कृष्ट निर्णय : सिल्भा

एजेन्सी- स्पेनिस राष्ट्रिय टिमका मिडफिल्डर डेभिड सिल्भाले आठ बर्ष अघि म्यानचेस्टर सिटी जानु जिवनकै सबैभन्दा उत्कृष्ट निर्णय भएको बताएका छन् ।

३२ बर्षीय सिल्भा आफ्नो २४ बर्षको उमेर हुँदा २०१० मा भ्यालेन्सियाबाट सिटीमा अनुबन्ध भएका थिए । किनकी अधिकांश स्पेनिस खेलाडीहरु बर्सिलोना वा रियल मड्रिडका लागि खेल्न रुचाउछन् । तर, उनको सिटी जाने निर्णयले जिवनको सहि निर्णय साबित भएको उनले बताएका छन् । 

‘सिटी मलाई चाहन्थो,’ सिल्भाले भने, ‘उनी डिसेम्वर देखि मलाई फोन गरिरहेका थिए । उनका लागि खेल्न आउनका लागि आग्रह गरिरहेका थिए । मैले सोचे, मलाई को चाहन्छ ? सिटी मलाई चाहन्छ त त्यहाँ म जाने छु ।’ उनले थपे, ‘फेरी म आफ्नो आमा बुबासँग बस्दै आएको थिए र आफ्नो ठाँउ छोड्दै अर्को ठाँउ जाने निर्णय गरेको थिए । जहाँ मेरो नयाँ जिवन जिउने समय थियो । तर, हाल थाहा भयो की मैले सहि कदम चालेको रहेछु ।’

 सिल्भाले सिटीलाई प्रिमियर लिग उपाधि जित्न तीन पटक महत्वपुर्ण भुमिका खेलेका थिए । तर, २०११ मा सिटीले एफए कप उपाधि जितेको थियो । जो अहिले सम्म उनको क्लबको हाइलाईट हो । एक पटक विश्वकप र दुई पटक युरोपियन च्याम्पियनसिप जितेका सिल्भाले यस सिजन प्रिमियर लिगका तीन खेल खेल्दै एक गोल गरि सकेका छन् । उनले क्लबबाट सात प्रमुख ट्रफि जितेका छन् । 

‘एक पटक जिते पछि तपाई फेरी जित्नका लागि उपयोग गर्नु हुन्छ । त्यो नराम्रो कुरा हैन्,’ उनले भने, ‘स्पेनिस राष्ट्रिय टिममा पनि यस्तै भएको छ । पहिलो उपाधि जित्नु एक खेल परिवर्तन थियो र हामीले जित हासिल गर्‍यौ । त्यसैले एफए कप एक सच्चा हाइलाइट हो ।’