साफ च्याम्पियनसिप: नेपाल र माल्दिभ्सबीचको खेल बर्षाका कारण रोकियो 

ढाका- बंगलादेशमा जारी १२ औं साफको नकआउट चरणको पहिलो नेपाल र माल्दिभ्सबीचको खेल बर्षका कारण रोकिएको छ। खेल शुरु भएको २७ औं मिनेटमा अबिरल बर्ष भए पछि खेल रोकिएको हो।

खेल फिफाको नियम अनुसार केही समयका लागि स्थगित गरिएको हो। पहिलो हाफको २७ औं मिनेट बितिसक्दासम्म नेपाल माल्दिभ्ससँग १-० ले पछि परेको छ। 

नेपाल माल्दिभ्सविरुद्ध खेलको नवौं मिनेटमा १-० गोल अन्तरले पछि परेको हो। नेपालका फरर्वाडर विमल घर्तिमगरले फउल गरेपछि माल्दिभ्सले फ्रि-किक पाएको थियो। 

डि-बक्सको एक याड बाहिरबाट पाएको फ्रि-किकलाई माल्दिभ्सका अक्रम अब्दुल घानेले सुन्दर गोलमा परिणत गरेका थिए। सुरुवाती समय देखिनै माल्दिभ्समाथि नेपालले पकड जमाए पनि कुनै गोल गर्न सकेका छैन्। 

२७ औं मिनेटको खेल खेलि सक्दा नेपाले केहि सुन्दर गोल गर्ने अवसर पाएको थियो। तर, सोहि अवसरलाई गोलमा परिण गर्न भने सकेको छैन् । नेपालले आफ्नै गल्तीका कारण सुरुवाती समयमा नै गोल खान पुगेको थियो।