ब्राजिलको जितमा नेयमारको गोल

एजेन्सी-ब्राजिलले म्यारील्यान्डमा भएको मैत्रीपूर्ण खेलमा एल साल्भाडोरलाई ५-० ले पराजित गरेको छ । ब्राजिलले राष्ट्रिय टोलीबाट पहिलो पटक सुरुवाती रोजाईमा खेलिरहेका एभरटनका रिचार्लीसनले दुई गोल गरेपछि एल साल्भाडोरलाई ५-० ले पराजित भएको हो ।

विश्व वरियताको ७२ औं स्थानमा रहेको एल साल्भाडोरविरुद्ध ब्राजिलले तेस्रो मिनेटमा नै अग्रता लियो ।  रिचार्लीसनलाई पेनाल्टी क्षेत्रभित्र लडाएपछि प्राप्त पेनाल्टीमा नेयमारले गोल गरे ।

त्यसको केहि मिनेटपछि रिचार्लीसन आफैंले गोल गरे ।  उनले १५ मिटर टाढाबाट गरेको उत्कृष्ट प्रहार टप कर्नरमा छिरेको थियो । खेलको आधा घण्टा समय नबित्दै ब्राजिल ३-० ले अगाडी बढ्यो ।  नेयमारको पासमा फिलिपे कोउटिन्होले पेनाल्टी क्षेत्र बाहिरबाट गोल गर्दै ब्राजिललाई सहज जिततर्फ उन्मुख गराए ।

दोस्रो हाफ शुरु भएको पाँचौ मिनेटमा नै ब्राजिलले चौथो गोल गर्यो । मार्किन्हसले खेलको अन्तिम मिनेटमा नेयमारको कर्नरमा हेडर मार्फत गोल गर्दै सहज जित पक्का गरे ।

प्रशिक्षक टिटेले गोलरक्षक नेटो र डिफेन्डर एडार मिलिसाओलाई डेब्यु गराएको खेलमा पहिलो रोजाइमा परेका रिचार्लीसन फरवार्ड र आर्थरले मिडफिल्डमा खेलेका थिए । ब्राजिलले अब अर्को महिना हुने मैत्रीपूर्ण खेलमा साउदी अरेबियाको सामना गर्नेछ ।  त्यसको ४ दिन पछि अर्जेन्टिना र ब्राजिल खेल्नेछन् ।