के सलाहले बिर्सेलान त्यो दिन?

एजेन्सी–लिभरपुल तथा इजिप्टका स्टार खेलाडी मोहमद सलाहले अफ्रिका कप आफ नेशन क्वालिफाईको शनिबार निजेरविरुद्धको खेलमा निकैनै रोमाञ्चक खेले प्रदर्शन गरेका छन् । खेलमा यस्तो प्राया कमै देखिन्छ की खेलाडीले एउटै खेलमा दुई गोल, दुई असिस्ट र दुई पेनाल्टी पाएर पनि गुमाउनु । तर, सलाहसँग अफ्रिका कप आफ नेशन क्वालिफाईको निजेरसँगको खेलमा यस्तै भयो । 

जहाँ इजिप्टले निजेरमाथि ६–० ले जित दर्ता गरेको थियो । सलाहले खेलको केहि मिनेटमा आफ्नो पहिलो पेनाल्टी पाएका थिए । तर, उनको त्यो पेनाल्टी निजेरका गोलरक्षकले उत्कृष्ट बचाउ गरे । इजिप्टका लागि खेलको १३ औं मिनेटमा मारवान मोहसेनको गोल मार्फत अग्रता लिएको थियो । सात मिनेट पछि सलाहको पासमा अब्दल अशरफको गोलमा अग्रता दोब्बर लिएको थियो । २९ औं मिनेटमा सलाह स्वयमले आफ्नो पहिलो गोल गरेका थिए ।

सलाहले आधिघण्टा खेले पछि पेनाल्टीको मौका पुनः पाए । तर, फेरी पेनाल्टीलाई गोलमा परिणत गर्नबाट चुके । उनले प्रहार गरेको दोस्रो पेनाल्टी निजेरको गोलरक्षकले बचाउ गरे । यतिबेला सम्म इजिप्ट निजेरविरुद्ध ३–० ले अग्रता लिएको थियो । चौथो गोलका लागि मोहमदले खेलको ७३ औं मिनेटमा सलाह मोहसेनलाई असिस्ट गरेका थिए । 

यो मोहमद सलाहको उक्त खेलमा दोस्रो असिस्ट थियो । त्यसपछि खेलको ८६ औं मिनेटमा सलाहले व्यक्तिगत दोस्रो गोल गर्दै इजिप्टलाई ५–० को फराकिलो अग्रता दिलाए । खेलको इनजुरी समयमा मोहमद एल्नेनीलले गोल गर्दै निजेरविरुद्ध ६–० को फराकिलो जित निकाले । यस खेलले मारियो अगुइरेको युग स्टाइललाई सम्झाएको थियो ।